သီတဂူသောတုဇနနှင့် ဓမ္မစကားဝိုင်း

ယနေ့ခေတ်တွင် ဗုဒ္ဓဘာသာသည် အနောက်နိုင်ငံများတွင် အလျင်မြန်ဆုံးထွန်းကားလာသော ဘာသာ တရားများအနက် တစ်ခုဖြစ်ကြောင်း လူအများစုကထင်မြင်သုံးသပ်ကြပါသည်။ အနောက်နိုင်ငံများသို့ ထေရ၀ါဒ ဗုဒ္ဓဘာသာသည် ရောက်ရှိလာသည့် နေ့ရက်တိကျစွာဖော်ပြနိုင်မည်မဟုတ်သော်လည်း အများစုအားဖြင့် ထေရ၀ါဒ ဗုဒ္ဓဘာသာကို ပြဿနာပေါင်းစုံ၊ ၀ါဒပေါင်းစုံ၊ မေးခွန်းပေါင်းစုံတို့ဖြင့် မေးမြန်းလျက် စိတ်ဝင်တစားရှိလာကြပါသည်။ သောတုဇနများအနေဖြင့် ဗုဒ္ဓဟောကြား ပိဋကတ်စာပေများကို အခြေခံ၍ ရှုထောင့်အမျိုးမျိုး၊ ၀ါဒအမျိုးမျိုးနှင့် အထွေထွေဗဟုသုတပေါင်းစုံတို့ကို လေ့လာလိုက်စားထားဖို့ အထူးလိုအပ်လှပါသည်။
မြန်မာနိုင်ငံတွင် ထေရ၀ါဒဗုဒ္ဓဘာသာတက္ကသိုလ်ကြီးများအနက် ရန်ကုန်သီတဂူကမ္ဘာ့ဗုဒ္ဓတက္ကသိုလ်ကြီး သည် တစ်ခုအပါအ၀င်ဖြစ်ပါသည်။ ၎င်းတက္ကသိုလ်တွင် ဘုရားဟော တိပိဋကပါဠိ၊ အဋ္ဌကထာ၊ ဋီကာစာပေများကို သင်ကြားပို့ချပေးနေသည့်အပြင် အထွေထွေဗဟုသုတမျိုးစုံတို့ကိုလည်း တွဲဘက်သင်ကြားပြသလျက်ရှိပါသည်။ ပိဋကတ်သုံးပုံနှင့် အထွေထွေဓမ္မစာပေများကို ကိုယ်တိုင်လေ့လာလိုက်စားနိုင်ရန်အတွက် ၎င်းတက္ကသိုလ်တွင် ပိဋကတ်စာကြည့်တိုက်နှင့် Dhamma Web ကိုလည်း လွှတ်တင်ထားပေးလျက်ရှိပါသည်။ ထိုသို့လွှတ်တင်ထားခြင်း ဖြင့် ပိဋကတ်သုံးပုံ လိုလားသော သောတုဇနတို့အနေဖြင့် များစွာအထောက်အကူဖြစ်စေသည်။ အဘယ့်ကြောင့်ဆို သော် အချို့သော သီတဂူသောတုဇနများအဖို့ ပိဋကတ်စာပေများလေ့လာရှာဖွေရာ၌ ပိဋကတ်သုံးပုံမပြည့်စုံသည်က တစ်ကြောင်း၊ တစ်နေရာမှတစ်နေရာသို့ ပြောင်းရွှေ့သယ်ရပြုရသည်မှာ အခက်အခဲရှိသည်က တစ်ကြောင်းဖြင့် များစွာ ဒုက္ခရောက်ကြရသည်။ ယခုလို ကမ္ဘာတစ်ဝှမ်းလုံး နည်းပညာဆန်းသစ်တီထွင်သော ခေတ်တစ်ခေတ် ပေါ်ထွန်းလာသောအခါ အွန်လိုင်းမှ ပိဋကတ်စာပေများကို လေ့လာရှာဖွေခြင်း၊ ဓမ္မဒါနပြုခြင်းဖြင့် များစွာအကျိုး သက်ရောက်မှုရှိပေသည်။ သို့သော် အယူအဆ၀ါဒအမျိုးမျိုးထွက်ပေါ်နေချိန်မှာ စစ်မှန်သောတရားစာပေများနှင့် ဟောပြောချက်များကို ဘုရားဟောပါဠိတော်များထောက်ရှုလျက် လေ့လာရှာဖွေတတ်ဖို့လိုပေသည်။ မိမိကိုယ်တိုင်၌ ကလည်း ဘုရားဟောပိဋကတ်တော်များကို ဓမ္မဒါနပြုရာ၌ ကျမ်းအကိုးအကားတို့ဖြင့် ရေးသားဖော်ပြဖို့လိုအပ်သည်။ ဘာသာရေးပြဿနာများ၊ အယူအဆ၀ါဒများဖြေရှင်းရာ၌ မိမိတတ်သိနားလည်ထားရုံဖြင့် မလုံလောက်ပေ၊ ဘုရား ဟောပိဋကတ်စာပေများကို နှံ့စပ်ကျွမ်းကျင်တော်မူကြသည့် စာတတ်ပေတတ်ရဟန်းမြတ်တို့ထံ ချဉ်းကပ်၍ ဆွေးနွေး တိုင်ပင်ပြီး နည်းနိဿယယူနိုင်ဖို့လိုပေသည်။ အဘယ့်ကြောင့်ဆိုသော် တစ်ချို့ဒကာ/ဒကာမတို့သည် မေးမြန်း ထူကြသည့်အတွက် သောတုဇနတို့မှာ သိထားတာထက် မသိတာက ခက်များများဖြစ်နေသည်။ တစ်ချို့ဆိုလျှင် ဆွမ်းခံကြွစဉ်ပင် မေးမြန်းကြသည့်အတွက် ပြန်ဖြေဖို့ရန် နှစ်ရက်သုံးရက်လောက်အချိန်ပေးရသည်။ ကိုယ်သိထား တာက အမှန်လား၊အမှားလားတောင် ကိုယ်တိုင်မဝေခွဲနိုင်၊ သူတစ်ပါးရှင်းပြဖို့ဆိုသည်မှာဝေးစွ။ ဆွမ်းခံပြန်ချိန်ပင် မေးမြန်းထားသောမေးခွန်းများကို ရေးမှတ်ပြီး အဖြေရှာရသည်ကတစ်ကြောင်း၊ ကျောင်းစာအတွက် ကျက်မှတ်ရ သည်က တစ်ကြောင်းဖြင့် အလုပ်များပေမဲ့ များစွာဗဟုသုတရပေသည်။
ဘာသာရေးအယူအဆပြဿနာများသည် လူဝတ်ကြောင်တို့နယ်ပယ်သာမက သောတုဇနတို့နယ်မှာလည်း ဖြစ်ပေါ်တတ်သည့်အတွက် တစ်ခါတစ်လေ သောတုဇနအချင်းချင်း ကျမ်းအကိုးအကားတို့ဖြင့် ပျော်ရွှင်စွာ ငြင်းခုံ နေကြသည်ကို နားထောင်ရသည်မှာ မှတ်သားစရာပင်ဖြစ်သည်။ တစ်ချို့မေးခွန်းပြဿနာများသည် ဘာသာရေး ပြဿနာအမေးအဖြေစာအုပ်များတွင် မတွေ့ရှိရသော်လည်း ထိုမေးခွန်းများကို ဆရာသမားများက ရှင်းပြသည့် အတွက် အလွန်နားထောင်ကောင်းလှသည်။ ထို့ကြောင့် “သီတဂူသောတုဇနနှင့်ဓမ္မစကားဝိုင်း” ဟူသောခေါင်းစဉ် ဖြင့် သောတုဇန ကြားနာမှတ်သားခဲ့ရသော ဘာသာရေးပြဿနာအမေးအဖြေတချို့ကို တင်ပြလိုက်ရပါသည်။
မေးမြန်းသူ။ ။ အရှင်ဘုရား ၂၀၁၂ ခုနှစ်ရောက်ရင်ကမ္ဘာပျက်မယ်ဆိုပြီးကောလာဟလတွေထွက်၊ နောက်တော့ ဘာမှမဖြစ်ခဲ့ဘူး၊ တကယ်လို့များ ပျက်မယ်ဆိုရင် တစ်ကမ္ဘာလုံးပျက်မှာလား ဘာတွေကျန်ရစ်နိုင်ပါ သေးသလဲဘုရား။
သောတုဇန။ ။ တကယ်ကမ္ဘာပျက်မယ်ဆိုရင် အနှစ်တစ်သိန်းကတည်းက လောကပါလနတ်တွေ ကြိုတင် ကြွေးကြော်ကြပါတယ်။ ပျက်စီးလို့ဘာကျန်ရစ်မလဲဆိုရင် (၁ ) လမှာယုန်ရုပ်ရေးထားတဲ့အမှတ် တံဆိပ်၊ ( ၂ ) ၀ဋဇာတ်တော်လာ ဘုရားလောင်း ငုံးမင်းရဲ့နေရာ မီးမလောင်ခြင်း ( ၃ ) ဃဋိကာရ အိမ်နေရာ မိုးရေမစိုစွတ်ခြင်း၊ ( ၄ ) ဘုရားလောင်းမျောက်မင်းဖြစ်စဉ်အခါတုန်းက အဓိဋ္ဌာန်ခဲ့တဲ့ ကျူရိုးများ အဆစ်မရှိဘဲ တောက်လျှောက်အပေါက်အခေါင်းဖြစ်နေခြင်းဆိုတဲ့ ဤလေးချက်ကျန်ရစ် နေမှာပါ။(ပဏ်-၂-ဋ္ဌ-၁၂၅၊ ဇာတက-ဋ္ဌ-ပ-အုပ်-၁၈၈မှာကြည့်ပါ)
မေးမြန်းသူ။ ။ အရှင်ဘုရား ယနေ့ခေတ် တပည့်တော်အမြင်ပြောရရင် တရားဟောတော်မူကြတဲ့ဆရာတော်တွေ များလာသလိုဘဲ၊ တစ်ချို့ဓမ္မကထိကဆရာတော်တွေဆိုရင် ရုပ်ကလည်းချော၊ အသံကလည်း ကောင်းတော်မူကြတယ်ဘုရား၊ ပိဋကတ်တော်မှာ တရားဟောပြောခြင်းနဲ့ပတ်သက်ပြီး ကန့်သတ်မှု တွေရှိပါသလားဘုရား။
သောတုဇန။ ။ ကန့်သတ်တယ်လို့တော့မဟုတ်ပါဘူး၊ နိဒါန၀ဂ္ဂသံယုတ်ပါဠိတော်-၂၅၂၊ အဋ္ဌကထာ-၃၂ မှာ မိန့် တော်မူထားတာက ဇရာမရဏစတာတွေ၌ငြီးငွေ့အောင် ဟောပြောနိုင်တဲ့ပုဂ္ဂိုလ်ကိုသာ ဓမ္မကထိက လို့ခေါ်ပါတယ်။ ဓမ္မသင်္ဂဏီအဋ္ဌကထာ-၃၀ မှာက အဘိဓမ္မာကို ဟောပြောဖြေဆိုနိုင်မှာသာ ဓမ္မကထိကအစစ်လို့ မိန့်ဆိုထားတယ်။ အင်္ဂုတ္တရ်စတုက္ကနိပါတ်၊ဓမ္မကထိကသုတ်နဲ့ ပုဂ္ဂလပညတ် ပါဠိတော်-၁၄၈မှာ ဓမ္မကထိက ( ၄ ) မျိုးရှိပါတယ်။ ( ၁ ) အနည်းငယ်သာဟောပြောတယ်၊ အကြောင်းအကျိုးလည်းမဆက်စပ်၊ ကိုယ်ဟောတဲ့တရားကို ပရိသတ်ကလည်း သဘောမပေါက် နားမလည်မသိခြင်း၊ ( ၂ ) အနည်းငယ်သာဟောသော်လည်းအကြောင်းအကျိုးဆက်စပ်မှုရှိတယ်၊ ပရိသတ်ကလည်းသိတယ်။ ( ၃ ) များစွာဟောပြောတယ်၊ အကြောင်းအကျိုးမဆက်စပ်မှုမရှိဘူး၊ ပရိသတ်ကလည်း ဟောပြောတဲ့တရားကို မသိနားမလည်ဘူး။ ( ၄ ) များစွာလည်းဟောပြောတယ်၊ အကြောင်းအကျိုးလည်းစပ်တယ်၊ ပရိသတ်ကလည်း သဘောပေါက်နားလည်တယ်။ မူလပဏ္ဏာသ ပါဠိတော်-၂၉၄၊ အဋ္ဌကထာ-၁၅၅မှာလည်း ဓမ္မကထိကအမျိုးမျိုးခွဲပြထားပါသေးတယ်။ ဓမ္မကထိက နဲ့ပတ်သက်ပြီး လိုက်နာရမည့်အချက်ငါးချက်ရှိပါသေးတယ်။ ( ၁ ) တရားတော်ကို ဒါနသီလအစ သမထ၊ ၀ိပဿနာတိုင်အောင် ဟောရမယ်၊ ( ၂ ) အကြောင်းအကျိုးဆက်စပ်ရမယ်၊ ( ၃ ) တရားနာသူတို့ကို ကရုဏာထားပြီး ဟောပြောရမယ်။ ( ၄ ) လာဘ်လာဘကို မငဲ့ကွက်ဘဲဟော ရမယ်။ ( ၅ ) သူတစ်ပါးကို မပုတ်မခတ်ဘဲ ဟောရမယ်။
မေးမြန်းသူ။ ။ ဒါဆို အရှင်ဘုရား၊ တရားတော်ကိုဟောချင်တိုင်းဟောလို့မရဘူးဆိုတဲ့ သဘောလားဘုရား။
သောတုဇန။ ။ အဲဒိလိုလဲမဟုတ်ပါဘူး၊ တရားဟောတဲ့အခါမှာ ထေရ၀ါဒအညီဟောပြောနိုင်ဖို့ပါပဲ၊ အရင်တုန်းက ထေရ၀ါဒမညီဘဲ ကိုယ့်နည်းကိုယ့်ဟန်ဖြင့် တစ်ချို့ပုဂ္ဂိုလ်တွေဟောပြောနေကြလို့ အစိုးရဓမ္မာစရိယ အောင်မှသာ ဟောပြောခွင့်ရှိတယ်လို့ သတ်မှတ်ခဲ့တယ်။ အခုတော့ အဲဒိလိုမသတ်မှတ်တော့ပါဘူး၊ ဓမ္မာစရိယမအောင်သေးလည်း ထေရ၀ါဒနှင့်အညီဟောပြောရင် ဟောနိုင်ပါတယ်။ ဒါနဲ့ပတ်သက်ပြီး ဓမ္မကထိကရဲ့အရည်အချင်းကောင်း ( ၅ ) မျိုးရှိပါတယ်။ ( ၁ ) ပါဠိ-အဋ္ဌကထာနှံ့စပ်ကျွမ်းကျင်ခြင်း၊ ( ၂ ) ပရိသတ်ကို မကြောက်မရွံ့ခြင်း၊ ( ၃ ) အထွေထွေဗဟုသုတရှိရခြင်း၊ ( ၄ ) အသံသြဇာနှင့် ပြည့်စုံခြင်း၊ ( ၅ ) ဟောနည်းပညာအဖြာဖြာကို သိနားလည်းခြင်း တို့ပဲဖြစ်ပါတယ်။
မေးမြန်းသူ။ ။ အရှင်ဘုရား “အသံသြဇာနှင့် ပြည့်စုံခြင်း” ဆိုတာနဲ့ပတ်သက်ပြီး တစ်ခုလောက် လျှောက်ထား ခွင့်ပြုပါဘုရား၊ မြတ်ဗုဒ္ဓရဲ့အသံတော်က ဘယ်လိုရှိသလဲဆိုတာ သိခွင့်ရှိပါသလားဘုရား။
သောတုဇန။ ။ သိခွင့်ရှိပါတယ်၊ မြတ်စွာဘုရားရဲ့အသံတော်က ရှစ်ပါးရှိပါတယ်။ အဲဒိရှစ်ပါးက ( ၁ ) ၀ိဿဋ္ဌ- သန့်ရှင်းစင်ကြယ်ခြင်း၊ ( ၂ ) ၀ိညေယျ- သိလွယ်ခြင်း၊ ( ၃ ) မဉ္ဇူ- သာယာခြင်း၊ ( ၄ ) သ၀နီယ - နာချင်ဖွယ်ရှိခြင်း၊ ( ၅ ) ဗိန္ဒု - တစ်လုံးတစ်စည်းတည်းရှိခြင်း၊ ( ၆ ) အ၀ိသာရီ - ပရိသတ်အပြင် သို့ ပြန့်မထွက်ခြင်း၊ ( ၇ ) ဂမ္ဘီရ - နက်နဲခြင်း ( ၈ ) နိန္ဒာဒိ - ပဲ့တင်ထပ်ခြင်း။ (ပဏ်-၂-ပါ-၃၄၀၊ ဋ္ဌ-၂၇၀။ မဟာနိ-ပါ-၃၅၃၊ ဋ္ဌ-၃၈၇။ ဒီဃ-၂-ပါ-၁၇၁၊ ဋ္ဌ-၂၃၃)
မေးမြန်းသူ။ ။ အရှင်ဘုရား၊ မြတ်ဗုဒ္ဓက ဘယ်အတွက်ကြောင့် ဝေသာလီပြည်၊ ကုသိနာရုံမှာ ပရိနိဗ္ဗာန်ပြုရတာ လဲဘုရား။
သောတုဇန။ ။ အကြောင်းသုံးပါးရှိပါတယ်။ ( ၁ ) မဟာသုဒဿနသုတ်တော်ကို ဟောတော်မူလိုသောကြောင့် တစ်ကြောင်း ( ၂ ) သုဘဒ္ဒပရိဗိုဇ်ကို နောက်ဆုံးရဟန္တာဖြစ်စေလိုသောကြောင့်တစ်ကြောင်း၊ ( ၃ ) ဓါတ်တော်ဝေရာ၌ ငြိမ်ဝပ်အောင် ဆုံးမနိုင်တဲ့ ဒေါဏပုဏ္ဏားကြီးရှိသောကြောင့်တစ်ကြောင်း ဤအတွက် မြတ်ဗုဒ္ဓ ဝေသာလီပြည်ရဲ့ကုသိနာရုံမှာ ပရိနိဗ္ဗာန်ပြုခြင်းဖြစ်ပါတယ်။ ( ဥဒါန-ဋ္ဌ-၃၆၃)
မေးမြန်းသူ။ ။ အရှင်ဘုရား၊ မြတ်စွာဘုရားမှာ ဆရာမရှိဘူး လို့ တပည့်တော်စာအုပ်တစ်အုပ်မှာ ဖတ်ဖူးတယ် ဘုရား၊ အာဠာရရသေ့နဲ့ ဥဒကရသေ့ တို့က မြတ်စွာဘုရားရဲ့ဆရာတွေမဟုတ်ဘူးလားဘုရား။
သောတုဇန။ ။ အဲဒါက ဘုရားလောင်းဘ၀မှာပါ၊ လောကုတ္တရာအနေအားဖြင့် သစ္စာလေးပါးကို ကိုယ်တော်တိုင် သိမြင်ပြီး ဘုရားအဖြစ်သို့ ရောက်တော်မူခဲ့တဲ့လမ်းစဉ်မှာ ဆရာမရှိခြင်းဖြစ်ပါတယ်။ န မေ အာစရိယော အတ္ထိ( ဂါရ၀သုတ် )၊ မြတ်စွာဘုရားရှင်က ပြန်လည် အရိုအသေပြုထိုက်တဲ့ပုဂ္ဂိုလ် ဆရာမရှိပါဘူး။ (မိလိန္ဒ ပါဠိတော်-၂၂၈၊ အာစရိယ နာစရိယပဥှ၊ ဒီဃ-၃၊ ဋ္ဌ-၈၈၊ ဗုဒ္ဓ-ဋ္ဌ-၁၂၃ )
မေးမြန်းသူ။ ။ မြတ်စွာဘုရားရဲ့ခန္ဓာကိုယ်က အတောင် ( ၈၀ ) ရှိတယ်လို့ကြားဖူးပါတယ်၊ တစ်ချို့က ညီတော် နန္ဒမထေရ်နဲ့အရပ်တော် အတူတူပဲလို့ပြောကြတယ်။ အဲဒါလေးရှင်းပြတော်မူပါဘုရား။
သောတုဇန။ ။ အတောင် ( ၈၀ ) က ဘုရားရှင်ရဲ့ပကတိကိုယ်ရောင်တော်ပါ၊ (ဥဒါန-ဋ္ဌ-၃၂၂)၊ ဘုရားရှင်ရဲ့ခန္ဓာ ကိုယ်ကို ကြီးတယ်၊ ငယ်တယ် တိုင်းတာလို့မရကောင်းကြောင်း မဇ္ဈိမပဏ္ဏာသပါဠိတော်-၃၇၀၊ အဋ္ဌကထာ-၂၈၇၊ မှာမိန့်တော်မူထားပါတယ်။( ဒီဃ-ပါ-၁၀၆ ၌လည်းကြည့်နိုင်ပါတယ်။)
မေးမြန်းသူ။ ။ အရှင်ဘုရား မြတ်စွာဘုရားလက်ထက်တုန်းက ကောသမ္ဗီပြည်မှာ အလွန်သေးငယ်တဲ့အာပတ် ကြောင့် ငြင်းခုံကြပြီး ရဟန်း၊ ဒကာ/ဒကာမနဲ့ နတ်ပြည်တိုင်အောင် နှစ်ခြမ်းကွဲသွားတယ်လို့ဖတ်ဖူး ပါတယ်ဘုရား အဲဒိအထဲမှာ အရိယာပုဂ္ဂိုလ်တွေကရော ငြင်းခုံးကြပါသေးလားဘုရား။
သောတုဇန။ ။ လောကုတ္တရမဂ္ဂံ ပတွာ ၀ိဝါဒေါ နာမ သဗ္ဗသော ၀ူပသမ္မတိ - လို့ ဥပရိပဏ္ဏာသပါဠိတော်-၃၃နဲ့ အဋ္ဌကထာ- ၂၅ မှာ ဖွင့်ဆိုထားတဲ့အတွက် ငြင်းခုံးခြင်းလုံးဝမရှိတော့ဘူးလို့ ဆိုနိုင်ပါတယ်။
မေးမြန်းသူ။ ။ အရှင်ဘုရား၊ ရဟန်းသံဃာတွေကို ပြစ်မှားစော်ကားလျှင် ပဉ္စာနန္တိယကံ ထိုက်ပါလားဘုရား။
သောတုဇန။ ။ ပြစ်မှားစော်ကားရုံနဲ့ ပဉ္စာနန္တိယကံမထိုက်သေးဘူး၊ ဒါပေမဲ့ ရေ၀တီပေတ၀တ္ထုကိုထောက်ဆသော အားဖြင့် ငရဲကျနိုင်ပါတယ်။ ငရဲမှပြန်လွတ်ရင်လည်း ပြိတ္တာဘ၀ရောက်ကြတာများပါတယ်။ ပဉ္စာနန္တိယကံငါးပါးကတော့ ဒကာကြီးသိထားပြီးသားဖြစ်မှာပါ၊ ဤငါးပါးထဲမှာ သံဃဘေဒကကံ ဆိုတာပါတယ်။ ရဟန်းသံဃာတွေ သင်းကွဲအောင်လုပ်မိတဲ့ကံပါ။ တစ်ပါးနဲ့တစ်ပါး၊ တစ်ကျောင်းနဲ့ တစ်ကျောင်း၊ သံဃ့ာအဖွဲ့အစည်းတစ်ဖွဲ့နဲ့တစ်ဖွဲ့ မသင့်မမြတ်ဖြစ်အောင် လုပ်မိရင်တော့ ပဉ္စာနန္တိယ ကံထိုက်ပြီလို့သာမှတ်ပေးတော့။ အဲဒိ ပဉ္စာနန္တိယကံထိုက်သူသေရင် အ၀ီစိငရဲကျပါတယ်။ ကိုယ့်အပြစ် ပေါ်မှာစိုးလို့ ရဟန်းတွေကိုပါလိမ်ညာခိုင်း၊ လိမ်ညာတော့ တစ်ပါးနဲ့တစ်ပါးမသင့်မမြတ် ဖြစ်၊ တစ်ပါးနဲ့တစ်ပါးမသင့်မမြတ်ဖြစ်တော့ သံဃာ့ဘေဒကကံထိုက်ပြီပေါ့။ တရားအားထုတ်ရင် ဈာန်မဂ်ဖိုလ်မရနိုင်တော့ဘူး၊ အကျိုးဆက်က အဲဒိလောက်အထိ အဟန့်အတားဖြစ်စေတယ်။ ( ဥပရိပဏ္ဏာသပါဠိတော်-၁၁၀၊ နေတ္တိပါဠိတော်-၇၇၊ ၀ိနယမဟာဝဂ္ဂ-ပါ-၁၂၁၊ ၁၂၂ စသည့်ရှုပါ )
မေးမြန်းသူ။ ။ အရှင်ဘုရား၊ သံဃာတွေပြန်လည်သင့်မြတ်အောင် လူပုဂ္ဂိုလ်တွေ ရှေးတုန်းက လုပ်ဆောင်ခဲ့ဖူး တာရှိပါသလားဘုရား။
သောတုဇန။ ။ ရှိတယ်လို့ ဆိုနိုင်ပါတယ်။ ၀ိနည်းမဟာဝါပါဠိတော်-၅၀၀ အရဆိုလျှင် သံဃာသင်းကွဲနေလျှင် ညီညွှတ်သွားစေရန် လူတို့က ပြန်၍ သပိတ်မှောက်ခဲ့ကြဖူးတဲ့ ထုံးတမ်းစဉ်လာရှေးကရှိဖူးပါတယ်။
မေးမြန်းသူ။ ။ အရှင်ဘုရား၊ ဘုရားရှင်လက်ထက်တော်အခါတုန်းက ယနေ့ခေတ်လိုမျိုး ရဟန်းသံဃာတော်တွေ ကရော သပိတ်မှောက်ဆန္ဒပြတာ ရှိခဲ့ဖူးပါသလားဘုရား။
သောတုဇန။ ။ အဲ..ဒကာ့မေးခွန်းကကြောက်စရာကြီးပါလား၊ မေးတော့လည်း ဖြေရတော့မှာပေါ့၊ မြတ်စွာဘုရား နှင့်တကွ သံဃာတော်အားလုံးက ၀ုဍ္ဎလိစ္ဆ၀ီမင်းသားကို သပိတ်မှောက်ဆန္ဒပြတာ ရှိခဲ့ဖူးပါတယ်။ ပတ္တနိကုဇ္ဇနကံဆောင်တယ်လို့ခေါ်ပါတယ်။ ပတ္တနိကုဇ္ဇန-သပိတ်မှောက်ထိုက်တဲ့အင်္ဂါ ( ၈ ) ပါးရှိပါ တယ်။ ရဟန်းတို့အား ( ၁ ) လာဘ်မရစိမ့်သောငှာ ( ၂ ) အကျိုးမဲ့စိမ့်သောငှာ ( ၃ ) နေရာမရ စိမ့်သောငှာ ( ၄ ) ရဟန်းတို့ကို ဆဲရေးခြင်း၊ ခြိမ်းခြောက်ခြင်း၊ ( ၅ ) ရဟန်းတို့အချင်းချင်း ကွဲပြား စေသောငှာ ( ၆ ) မြတ်စွာဘုရားကို ကျေးဇူးမဲ့စွာပြောဆိုခြင်း၊ ( ၇ ) တရားတော်ကို ကျေးဇူးမဲ့စွာ ပြောဆိုခြင်း၊ ( ဂ ) သံဃာတော်ကို ကျေးဇူးမဲ့စွာ ပြောဆိုခြင်းတို့ပဲဖြစ်ပါတယ်။ (၀ိနည်းစူဠ၀ါ-ပါ-၂၆၂၊ ၂၆၃၊ အဂုင်္တ္တိုရ်-အဋ္ဌကနိပါတ်၊ သတိဝဂ်-ပတ္တနိကုဇ္ဇနသုတ်)
မေးမြန်းသူ။ ။ အရှင်ဘုရား၊ တပည့်တော်ဝိပဿနာရိပ်သာဝင်တုန်းက မရှင်းတာလေးတစ်ခုရှိခဲ့လို့မေးခွင့်ပြုပါ ဘုရား၊ အဲဒါက ၀င်လေထွက်လေနဲ့ ပတ်သက်ပြီး ၀င်လေကအရင်လား၊ ဒါမှမဟုတ် ထွက်လေက အရင်လားဆိုတာ သိချင်လုိ့ပါဘုရား။
သောတုဇန။ ။ ကမ္မဋ္ဌာန်းတွေမှာတော့ ၀င်လေထွက်လေရှုပါလို့ ဆိုကြပေမဲ့ တကယ်တော့ ထွက်လေ၀င်လေက အမှန်ပါ၊ ဂဗ္ဘသေယျပုဂ္ဂိုလ်တို့မှာ ပဋိသန္ဓေစတင်မွေးဖွားလိုက်ကတည်းက ထွက်လေကစတင် ဖြစ်ကြောင်းကို ၀ိသုဒ္ဓိမဂ်ပထမအုပ်-၂၆၃၊ အဋ္ဌကထာဒုတိယအုပ်-၁၄မှာ ဖွင့်ဆိုထားပါတယ်။
မေးမြန်းသူ။ ။ အရှင်ဘုရား၊ သီတဂူဦးဇင်းတပါးက “နတ်ပြည်မှာတိရစ္ဆာန်တွေမရှိဘူး” လို့မိန့်တော်မူတယ်ဘုရား၊ ဧရာဝဏ်ဆင်၊ သိန္ဓောမြင်း စတဲ့ နတ်ရထား၊ နတ်မြင်းတွေအကြောင်း တပည့်တော် ဖတ်ဖူးကြားဖူး ပါတယ်။ အဲဒါတွေက တိရစ္ဆာန်တွေမဟုတ်ဘူးလားဘုရား။
သောတုဇန။ ။ တိရစ္ဆာန်တော့မှန်ပါတယ်၊ ဒါပေမဲ့တိရစ္ဆာန်အစစ်တော့မဟုတ်ပါဘူး၊ အရေးပေါ်ဖန်ဆင်းထားမှုပါ၊ တိရစ္ဆာန်တွေက အပါယ်ဘုံသားတွေဖြစ်တဲ့အတွက် နတ်ပြည်မှာ ဖြစ်ရိုးထုံးစံမရှိတဲ့ အကြောင်းကို ဦးဇင်းတို့ သီတဂူက ဆရာသမားတွေလည်းရှင်းပြဖူးပါတယ်။ ဓမ္မပဒ အဋ္ဌကထာ ၁၇၃နဲ့ ၀ိမာန ပါဠိ-၁၊ အဋ္ဌကထာ-၁၃ မှာလည်း ကြည့်နိုင်ပါတယ်။ နောက် တိရစ္ဆာနကထာ၊ အဘိဓမ္မာ ကထာဝတ္ထု ပါဠိတော်-၄၃၂၊ အဋ္ဌကထာ- ၂၇၃ မှာလည်းကြည့်နိုင်ပါတယ်။
မေးမြန်းသူ။ ။ အရှင်ဘုရား၊ နတ်တွေရဲ့ ခန္ဓာကိုယ်က ဘယ်အရွယ်လောက်ရှိပါသလဲဘုရား။ တပည့်တော်တို့ ထက် ရှည်လျားပါသလားဘုရား။
သောတုဇန။ ။ အဲ..ဦးဇင်းက ကိုယ်တိုင်လည်းမတွေ့ဖူး၊ နတ်ပြည်လည်းမရောက်ဖူးတော့ ပိဋကတ်မှာဖွင့်ဆိုထား တာကိုပြောပြရမယ်ဆိုရင် ခန္ဓာကိုယ်က သုံးဂါဝုတ်ချည်းကြတယ်။ ရှည်တိုပုကွ တာတွေမရှိကြဘူး။ သူတို့အ၀တ်အစားတွေက လှည်းအစီး ၆၀ တိုက်ခန့်ရှိတယ်။ သဂါထာ-သံ-ဋ္ဌ-၁၀၂၊ ၀ိမာန-ဋ္ဌ-၁၀၊ ၄၉၊ ၇၁၊ ၁၉၃၊ ၂၁၆ မှာဖတ်ပါ။
မေးမြန်းသူ။ ။ အရှင်ဘုရား၊ နတ်ပြည်မှာ နတ်သား၊ နတ်သမီးရှိတဲ့အကြောင်း ကြားဖူးပေမဲ့ ဗြဟ္မာ့ပြည်မှာ ဗြဟ္မာသမီး လို့တစ်ခါမှ မကြားမိဖူးဘုရား။ အဲဒါဗြဟ္မာသမီး ဆိုတာရှိပါသလားဘုရား။
သောတုဇန။ ။ ဗြဟ္မာပြည်မှာ ဗြဟ္မာသမီးလို့ ဦးဇင်းလည်း တစ်ခါမှမကြားဖူး၊မဖတ်ဖူးပါဘူး ဒကာကြီးရယ်၊ ဘာကြောင့်လည်း ဆိုတော့ ဗြဟ္မာ့ပြည်မှာ ယောက်ျား၊ မိန်းမဆိုတဲ့ ဘာဝရုပ် ၂ ပါးလုံးမရှိပါပဲ၊ ဒါပေမဲ့ ဗြဟ္မာတွေ အားလုံးဟာ ယောက်ျားအသွင်အပြင်ရှိတယ်လို့တော့ ဥပရိပဏ္ဏာသပါဠိတော်-၁၁၀၊ အဋ္ဌကထာ-၈၆။ မှာ ဆိုထားပါတယ်။
မေးမြန်းသူ။ ။ အရှင်ဘုရား၊ ဗြဟ္မာဝင်စားတဲ့ကလေးက မိန်းမအထိအတွေ့မခံဘူးလို့ကြားဖူးတယ်၊ အဲဒါမှန်ပါ သလားဘုရား။ သာဓကများရှိရင်လည်း ညွှန်ပြတော်မူပါဘုရား။
သောတုဇန။ ။ တစ်ဘ၀လုံးတော့မဟုတ်ပါဘူး၊ ဗြဟ္မာ့ပြည်မှလာတဲ့သူတွေက ကာမရာဂခေါင်းပါးကြတဲ့အတွက် အခိုက်အတန့်အားဖြင့် မိန်းမအထိအတွေ့မခံဘူးလို့တော့ ထေရအပါဒန်မှာဆိုထားပါတယ်။ သာဓကတွေများစွာရှိပါတယ်။ ဥပမာ-သောဏပဏ္ဍိတစရိယ၊ အနိတ္ထိဂန္ဓမင်းသား၊ ပိပ္ပလိလုလင်နှင့် ဘဒ္ဒါကာပိလာနီလင်မယား စတာတွေပေါ့။ ဘုရားရှင်လက်ထက်တုန်းက ဗြဟ္မာပြည်ကလာဝင်စား တဲ့ကလေးတစ်ယောက်ဆိုရင် ဘယ်အမျိုးသမီးအထိန်းတော်မှ ပွေ့ချီလို့မရဘူး၊ ငိုတယ်။
မေးမြန်းသူ။ ။ အရှင်ဘုရား မိခင်နို့ရည်ဟာ သွေးတစ်မျိုးပဲလို့ပြောကြတယ်၊ အဲဒါမှန်ပါသလားဘုရား။
သောတုဇန။ ။ မှန်ပါတယ်။ ဒါပေမဲ့သွေးတစ်မျိုးမဟုတ်ပါဘူး။ နှလုံးသွေးစစ်စစ်ပါပဲ။ မိခင်တွေရဲ့ မေတ္တာကြောင့် နို့ရည်ဖြူသွားခြင်းပါ၊ မူလပဏ္ဏာသပါဠိတော်-၃၃၃၊ အဋ္ဌကထာ-ဒုတိယအုပ်-၂၁၀၊ ဇာတက-အဋ္ဌ ကထာ-ဆဋ္ဌမအုပ်-၃-မှာ ကြည့်ရှုနိုင်ပါတယ်။
မေးမြန်းသူ။ ။ အရှင်ဘုရား၊ တပည့်တော် ကလေးကျောင်းသွားပို့တုန်း ကလေးနှစ်ယောက်က မိန်းမနှင့် ယောက်ျား၊ မည်သူကအရင်ဖြစ်တယ် ဆိုတဲ့အကြောင်း ငြင်းခုံပြောဆိုနေတဲ့စကားကြားလိုက်ရ တယ်ဘုရား။ တပည့်တော်လည်း မည်သူကအရင်ဖြစ်တယ်ဆိုတာ မသိလို့ လျှောက်တာပါဘုရား
သောတုဇန။ ။ အင်း..ကလေးတွေရဲ့အငြင်း၊ ဖြေရှင်းဖို့ခက်လှပါဘိ၊ ကိုယ်မသိ ကျမ်းညှိလို့ဖြေမယ်ဆိုရင် မိန်းမ၊ ယောက်ျား၊နှစ်ဦးသားတို့မှာ မိန်းမက အရင်ရှေးဦးစွာပဌမ ဖြစ်ပေါ်လာရခြင်းအကြောင်းကို ပါ-ဒု-အုပ်-၉၃၊ အဋ္ဌကထာ-ပဉ္စမအုပ်-၃၉၂ မှာတော့ ဆိုထားပါတယ်ဒကာကြီး။
မေးမြန်းသူ။ ။ အရှင်ဘုရား နာနာဘ၀နဲ့လူသားတစ်ယောက် အိမ်ထောင်ကျတာဖတ်ဖူးပါတယ်၊ ပိဋကတ်မှာရော ရှိပါသလားဘုရား။
သောတုဇန။ ။ ရှိပါတယ်ဒကာကြီး၊ လူသားစစ်စစ် မိန်းမနဲ့ ဝေမာနိကပြိတ္တာထီးတို့ ပေါင်းသင်းနေထိုင်ကြတာ နှစ်ပေါင်း ( ၇၀၀ ) ကြာတယ်။ နှစ်ပေါင်း ( ၇၀၀ )ပတ်လုံး လူသားမိန်းမဖြစ်တဲ့သူက နုပျိုနေတုန်းပဲ လူပြည်သို့ ပြန်ပို့လိုက်တဲ့ အခါကျတော့ ရောက်လျှင်ရောက်ခြင်းအိုသွားတယ်။ (သုတ္တပေတ၀တ္ထု၊ ပေတပါဠိတော်-၁၆၂၊ အဋ္ဌကထာ-၁၃၅၊ ၁၃၉ )
မေးမြန်းသူ။ ။ အရှင်ဘုရား၊ နတ်တို့သနင်း သိကြားမင်း လို့ဆိုကြတယ်၊ သိကြားမင်းက နတ်ပြည်က နတ်တွေ အကုန်လုံးကို အုပ်ချုပ်တာလားဘုရား။ နယ်မြေကော အကန့်အသတ်ရှိပါသလားဘုရား။
သောတုဇန။ ။ အကန့်အသတ်ကတော့ရှိပါတယ်။ သိကြားမင်းက နတ်ပြည် ၆ ထပ်လုံးကို အစိုးရတာမဟုတ် ပါဘူး၊ စတုမဟာရာဇ်နတ်ပြည်နဲ့ တာဝတိံသာနတ်ပြည် ဤ ၂ ပြည်တည်းပါ။ ( ပဏ် ၁၊ ဋ္ဌ ၁၉၈၊ ၀ိမာန-ဋ္ဌ ၈၆)
မေးမြန်းသူ။ ။ သိကြားသာသနာ ဆိုတာ ဘယ်လိုသာသနာမျိုးကို ခေါ်တာလဲဘုရား။ သိကြားမင်းတည်ထားတဲ့ သာသနာမိုလို့ သိကြားသာသနာလို့ပြောတာလားဘုရား။
သောတုဇန။ ။ မဟုတ်ပါဘူး၊ မြတ်စွာဘုရားက သိကြားမင်းအား သာသနာကို ကူညီစောင့်ရှောက်ဖို့ မိန့်ကြား တော်မူခဲ့တာပါ။ သိကြားမင်းကလည်း ကူညီပါ့မယ်လို့ ၀န်ခံခဲ့ဖူးပါတယ်။ လောလောဆယ် သိကြား လည်းမတွေ့၊ ကြံသကာလည်းမတွေ့ ဆိုတော့ တကယ်ပဲ ကူညီစောင့်ရှောက်သလား၊ မရှောင် ဘူးလား ပြောရတာခက်တယ်။ ( ဒီဃ ၁၊ ဋ္ဌ ၂၃၆၊ ၀ိ ၁၊ ဋ္ဌ ၅၃ )
မေးမြန်းသူ။ ။ သိကြားမင်းက လူတွေကိုပြန်ရှိခိုးတယ်လို့ကြားဖူးပါတယ်၊ ဘယ်လိုလူတွေကို ရှိခိုးတာလဲဘုရား။
သောတုဇန။ ။ သိကြားမင်းရှိခိုးတာက ( ၁ ) ကုသိုလ်ပြုတဲ့သူ ( ၂ ) သီလရှိတဲ့သူ ( ၃ ) ရတနာသုံးပါးကိုးကွယ် ဆည်းကပ်သူ (၄ ) တရားနှင့်အညီ သားမယားကိုကျွေးမွေးနေသူ ဤ ကျင့်ဝတ် လေးပါးနဲ့ပြည့်စုံတဲ့ လူတွေကို သိကြားမင်းက ရှိခိုးကြောင်း ပလဋ္ဌ၀န္ဒနာသုတ်၊(သဂါထာ-သံ-ပါ-၂၃၅၊ ဋ္ဌ-၃၂၂)နဲ့ ခုဒ္ဒက-ဋ္ဌ-၁၁၇၊ သုတ္တ-ဋ္ဌ-၂၂ တို့မှာ မိန့်တော်မူထားပါတယ်။
မေးမြန်းသူ။ ။ ညတရားပွဲတွေမှာ နာနာဘ၀တွေ၊ ဘီလူးတွေ တရားလာနာကြတယ်လို့ အဘိုးအဘွားပြောတာ ကြားဖူးတယ်ဘုရား၊ သူတို့တွေက သောတာပန် စတဲ့ တရားထူးတရားမြတ်တွေရနိုင်ပါသလား။
သောတုဇန။ ။ ရနိုင်ပါတယ်ဒကာကြီး၊ ပုနဗ္ဗသုသုတ်မှာ ဘီလူးမကြီးက မြတ်ဗုဒ္ဓရဲ့တရားတော်ကို နာလို့ သောတာပန်ဖြစ်တဲ့အခါ နတ်သမီးအသွင်ပြောင်းရုံမျှမက သားသမီးတွေလည်းကောင်းကျိုးခံစားကြ ရတယ်။ ဒါကြောင့် ကွယ်လွန်သွားတဲ့ အဘိုးအဘွားတွေ၊ မကျွတ်မလွတ်သေးတဲ့သူတွေ နာနာဘ၀ တွေအတွက် အမျှအတန်းပေးဝေကြတာပေါ့။ သူတို့ကြားသိတယ်ဆိုရင်ကောင်းကျိုးခံစားရပါတယ်။
မေးမြန်းသူ။ ။ အရှင်ဘုရား၊ တပည့်တော်ရဲ့တူလေး မင်္ဂလာဆွမ်းကပ်အိမ်မှာ အာဝါဟ ၀ိဝါဟ ဆိုတဲ့ စကားလေး ကြားလိုက်ပါတယ်ဘုရား၊ အဲဒါက ဘာကိုပြောတာလဲဘုရား။
သောတုဇန။ ။ အာဝါဟ- မှာ သမီးယူခြင်းဖြစ်ပြီး၊ ၀ိဝါဟ- မှာ သမီးပေးခြင်းပါ၊ ဒါက လောကီမင်္ဂလာအသုံး အနှုန်းပါဒကာကြီး။
မေးမြန်းသူ။ ။ အရှင်ဘုရားတို့ရဲ့ ဆရာသမားက အရှင်ဘုရားတို့ကို ပုဂ္ဂိုလ်အသီးသီးတို့ရဲ့ အိပ်ပုံအခြင်းအရာနဲ့ ပတ်သက်ပြီး ရှင်းပြနေတာ ကြားလိုက်ပါတယ်ဘုရား၊ အရှင်ဘုရား မှတ်သားထားတာလေးများရှိရင် ပြန်လည်မျှဝေပေးနိုင်မလားဘုရား။
သောတုဇန။ ။ မျှဝေပေးနိုင်ပါတယ်ဒကာကြီး၊ အဲဒိနေ့က ဦးဇင်းတို့ဆရာသမားက ဦးဇင်းတို့ကို အဘိဓမ္မာ-၀ီထိ ချပုံနဲ့ပတ်သက်ပြီး ပုဂ္ဂိုလ် ( ၄ ) မျိုးတို့ မည်သို့မည်ပုံ အိပ်ကြတယ်ဆိုတာ ရှင်းပြနေတာပါ။ ( ၁ ) ကာမဂုဏ်ခံစားသူတို့က လက်ဝဲဘက်သို့စောင်းပြီးအိပ်ကြတယ်၊ (ကာမဘောဂီသေယျ)လို့ခေါ်ပါ တယ်။ ( ၂ ) ပြိတ္တာတို့က ပက်လက်အိပ်ကြတယ်၊ (ပေတသေယျ)ပေါ့၊ ( ၃ ) ခြင်္သေ့တွေက လက်ယာဘက်သို့စောင်းပြီး လက်ခြေဦးခေါင်းတို့ကိုမရွေ့ရှားစေဘဲအိပ်ကြတယ် ( သီဟသေယျ)။ ( ၄ ) ဘုရားရှင်တို့ကြတော့ လက်ယာဘက်သို့ စောင်း၍ စတုတ္ထဈာန် ၀င်စားပြီး ကျိန်းစက်တော်မူ ကြတယ်။ ( တထာဂတသေယျ ) လို့ခေါ်ပါတယ်။
ဒကာကြီး။ ။ “အခုလို ဘာသာရေးနဲ့ပတ်သက်ပြီး တပည့်တော်ရဲ့ကုက္ကုစ္စသံသယတွေကို စိတ်ရှည်လက်ရှည် ရှင်းပြတဲ့အတွက် ကျေးဇူးတင်ပါတယ်ဘုရား။ အရှင်ဘုရားတို့ သီတဂူကျောင်းသားတွေ ပိဋကတ် စာပေဗဟုသုတလည်း နှံ့စပ်တော်မူကြပါတယ်ဘုရား။” “တပည့်တော်ပြန်ပါအုံးမယ်ဘုရား”
သောတုဇန။ ။ သိပ်လည်းမြှောက်မနေနဲ့အုံးဒကာကြီး၊ ဒီမှာ ဒကာကြီးမေးခွန်းတွေကိုဖြေရတာ ခေါင်းက မရှိတဲ့ ဆံပင်တွေတောင် ဖြူချင်လာပြီ။ ကောင်းပါပြီဒကာကြီး။

အရှင်ပညာသီရိ(B.A Second)